Finance Minister Nirmala sitharaman leh Foreign Minister S Jaishankar te chuan National Education Policy duan chhin hi a taka hman a nih hmain zirchian leh phawt tur a ni tih twitter ah an ziak ve ve a, anni pahnih hi Tamil Nadu chhuak, Tamil \awng hmang ve ve an ni a, National Education Policy duan chhin hian abikin Tamil Nadu ah sawisel a hlawh zual a ni.
Vice President Venkaiah Naidu pawhin sorkar hmalakna hi \anin, mipuite chu zirchiang hmasa tur leh awmze neia sawiho hmasa phawt turin a sawm a, Karnataka Chief Minister HD Kumaraswamy leh Congress MP Shashi Taroor te chuan India chhim lam state, Hindi \awng hman lohna-a Hindi zir luih tir anih chuan thil \ha lo a thlen thei dawn niin an sawi a, Finance Minister hlui P Chidambaram leh DMK hruaitu MK Stalin te pawhin \ha an tih loh thu an sawi bawk.
Krishnaswamy Kasturirangan, ISRO hotu hlui kaihhruai mithiam rualte hian National Education Policy 2019 duan chhin hi Zirtawpni khan an tlangzarh a, hetah hian zirlaite zir tura \awng chi thum hman \hin chu chhunzawm zel rawt anih thu leh pawl hniam zawkah pawh hman tura rawt a nih thu tarlan a ni a, hei hi zirlai te pawl 8 chin hnuai lam zawng zawng Hindi \awng zir tir tumnaah ngaiin mi tam takin an dodal nghal a ni.
Dodalna nasa tak avang hian sorkar laipui chuan zirlai pawl hniam lama hindi zir tel tura ruahman chhin chu a paih leh nghal a ni .
