IndEA hi mipui ten Website pakhat hmanga sorkar department zawng zawng an dawr theihna leh information an hriat duh zawng an hriat theihna tura hmalakna a ni a, hei hian ramchhung inrelbawlna felfai zawk leh langtlang a thlen beisei a ni. Tun dinhmunah Ministry of Agriculture, Ministry of Education leh State 2 ten IndEA hi an hmang tawh a, hmarchhak state zingah Meghalaya State in a hmang mek tawh a ni.
Zir hona hi ICT Minister Pu Robert Romawia Royte in a hmanpui a, Mizoram sorkar hnuaia Department hrang hrangin an mahni puala Website an neihte chu thlunzawm a nih loh avangin data leh Information bakah statistics dik zawk inpek tawn zung zung a harsat phah hle tih a sawi a, Bill pek, form download leh information pawimawh haichhuah theihna tura Website hrang hrang te inthlunzawmna Enterprise Architecture hmanga Website siam chu sorkar department te leh mipuiten an awlsam phah dawn a, Mizoramah hman thuai a \ul a ni a ti.
