Naupiang hlim enkawlna lama hmanrua leh mithiam Mizoramin a neih mek dinhmun bakah hmasawnna tur lai sawi honaah hian Health Dept bakah Women and Child Development Dept leh VC aiawhte an tel a, a hmanpuitu Health Minister Dr. R Lalthangliana chuan, nausen kum tling lova thi tam tak awm \hin chu a hniam zawngin a kal zel tih a sawi a, naupiang 1000 zelah 27 thi awm \hina chhut chu 15 ah a tla thla tawh a ni a ti a, hei hi rampum huap chawhrual naupiang 1000 zela 34 aiin a hniam zawk hle a, hei aia hniama a tlak thlak theihna turin nu naupai a\anga an hriselna uluk taka enkawl a pawimawh a ni a ti a, nu nau chuang thi pawh nikum aiin kuminah an tlem zawk a ni a ti bawk.
Pu Thangtea chuan, thingtlang lamah hriselna kawngah nasa takin \anlak a nih thu a sawi a, Health Sub Center enkawltu tur pawh uluk taka training pawh pek zel an nih thu te, Sub Center te chu B.Sc Nursing zirzo tawh ten an enkawl turin hmalak a nih thu sawiin District Hospital zawng zawngah naupang daktawr leh hmeichhe lam doctor Gynaecologist dah a nih thu sawiin Primary Health Centre zawng zawngah daktawr pawh dah vek an nih thu a sawi. Pu Thangtea chuan Aizawl Civil Hospital naupang ward-ah naupang pual Intensive Care Unit (ICU) dah tum a nih thu sawiin ICU panngai pawh kum 10 tal leng turin tih len tum a nih thu a sawi.
Mithiam thlan chhuah, Health Dept a\angin Dr. Lily Chhakchhuak, Dr TC Hmingthangi leh Dr. Lalchhuankimi te bakah Women and Child Development dept a\angin Pi Zonunopari Sailo ten nausen leh naupang enkawlna kawnga Mizorama hmalak dan leh hmachhawp te an sawifiah a. Huamzau taka sawiho a ni.
MSCPCR Chairperson Pi Sangzuali Vanchhawng leh NCPCR a\angin Technical Expert Pi Shaista K Shah te pawhin thu an sawi a, inrawnkhawmnaa rawtna siam te hi NCPCR leh MSCPCR ten Ministry leh Mizoram sorkarah te an thlen leh dawn a ni.
