Hemi rual hian Self Help Group hnathawk \hazual 3 hnenah chawimawina an pe a ni. Hemi puala inkhawm Chaltlanga State Guest House Cultural Hall-a neihah NABARD Mizoram Region Office-a General Manager, Pu RK Srivasta chuan, an din chhan ber chu loneitute leh thingtlang miten hmasawnna kawng an zawh a, eizawnna ngelnghet an neih theih nan a \ul anga \anpui an ni tih a sawi a, NABARD hi kum 1982, July ni 12 khan Parliament-in Apex Level Development Financial Institution-a din a ni tih sawiin, kum 1992 a\ang khan mi harsa zawkte Bank hmang thiam lo leh Bank Account nei lote tan Self Help Group chu kalpui \an a ni a, a tirah Group 500-a bul\an a ni a, an hmalakna chuan hma sawn zelin tunah hian hmeichhe group ringawt pawh nuai 100 chuang a tling tawh niin a sawi a ni.
NABARD kum 37 tlin lawmna hi Reserved Bank of India Mizoram Region-a General Manager, Pi Mary L. Deng, Mizoram Cooperative Apex Bank Ltd., Chairperson, Pi T. Lalmuanpuii leh Mizoram State Rural Livelihood Mission-a Chief Executive Officer, Pi H. Lalchhandami ten an hmanpui a, Self Help Group hnathawk \ha thlanchhuah 3- Lawngtlaia Women Self Help Group, Serchhip-a Chawnpui Self Help Group leh Champhaia Lalbika Self Help Group hnenah chawimawina hlan a ni.
