New Delhi-a Rashtrapati Bhavan-ah zan dar 7-ah President Ram Nath Kovind Prime Minister leh Union Council of Minister te rinawmna thu tiam tira lakluh an ni dawn a, lawmluhna inkhawm hi eptu lam party Congress President Rahul Gandhi, UPA Chairperson Sonia Gandhi, Telangana Chief Minister K Chandrasekhar Rao, Bihar Chief Minister Nitish Kumar leh Delhi Chief Minister Arvind Kejriwal te pawhin an chhim rin a ni a, Bangladesh, Sri Lanka, Kyrgyz, Myanmar, Mauritius, Nepal, Bhutan leh Thailand ram hruaitute’n an chhim dawn bawk a, Modi dinna bial Varanasi a\angin mi sawm bik 250 te \hutna tur “Kashi Sankul” buatsaih a ni bawk a ni.
BJP President Amit Shah chuan sorkar thar-a minister tur te bia-in dar 5-ah PM Modi inah kal khawm turin a hrilh a, Nirmala Sitharaman, Smriti Irani, Sadananda Gowda, Arjun Meghwal, Kiren Rijiju, Ravi Shankar Prasad, Piyush Goyal, Prakash Javadekar, Ramdas Athavale, Jitender Singh, Suresh Angadi, Babul Supriyo, Kailash Chowdhury, Prahlad Joshi leh G Kishan Reddy te hi minister koh khawm zingah an tel rin a ni.
PM Modi hian rinawmna thu a tiam hma hian India Gate-a National War Memorial-ah ram tana nunna hlan te a chhuan zia sawiin zahna a lantir a, Mahatma Gandhi-a ziritirna a darh zel a, mi rethei leh chaklo zawkte chawisan an nih theih nan a \awng\ai \hin niin a sawi a, Sadaiv Atal Samadhi tlawhin PM hlui Atal Bihari Vajpayee a hriat reng thu leh inthlana an hlawhtlinna chu a lawm ve ngei a rin thu te a sawi bawk a ni.
