Zing dar 6 leh minute 58 ah khuallian Larsap Pu PS Sreedharan Pillai a’n sipai lammual a thleng ang a, hnam puanzar pawt pharhin parade contingent te a endik hnuah an chibai buk a chhanglet ang a, Republic day pual thuchah a sawi hnuah National leh State Award chi hrang hrang te sem chhuah zui a ni ang.
Republic Day pual hian Larsap chuan a chenna Raj Bhawan ah chhun dar 12 ah sawm bik te pualin thingpui ruai a buatsaih dawn bawk a ni.
