Aizawl District huamchhungah chuan Polling station 331 awmin, nimin Thawhlehni khan khaw hla zual deuha duty tur te chuan an duty na tur hmun an lo pan tawh bawk a. Aizawl District Election hotute chuan Aizawl District-ah hian venhim ngai zual bik Polling station 3 an awm tih an sawi a, heng khuate hi Zokhawthiang, Daido leh NE Tlangnuam te an ni a, hmeichhe hlang duty-na tur bika ruahman Dingdi Polling station 34 a awm dawn a ni. Polling station 30 ah webcasting kalpui a ni dawn a, EVM leh VVPAT te a lo chhiat thulha thlak zung zung thei turin Sector officer 34 dah an ni a, heng mite hian Polling station hrang hrang te an vil reng dawn bawk a ni. Aizawl District huam chhunga inthlanna buaipui tur hian ECI atangin observer 3 an awm a, inhtlanna buaipui tur PO, APO leh adang te nen mi 1480 vel ruat an ni bawk.
Political party ten kawngdunga an candidate te fakna poster leh thuziak an tar te pawh phalna pek chin aia tam chu surveliance team ten endikin an la thla zel a. Naktuka zing dar 7 a\ang tlai dar 5 thleng vote hi thlak tur a ni a, hemi hun chhunga thlak hman lo Polling area chhunga awm hman site chuan zan dar 12 thleng vote an thlak thei ang.
