Eptu party hrang hrang 22 aiawhte hian Election Commission ah hian ngenna thehlutin, Assembly bial tina VVPAT panga endik tura Supreme Court-in a lo rel tawhah EVM-a vote tla te chhiar \an hmaa VVPAT endik hmasak hi an dil a, inmil lo a awm anih chuan Assembly bial puma vote tla te chu VVPAT nen enmil vek nise tiin an rawt a ni. Election Commission-a member pathum te chuan eptu party te ngenna hi an hnawl a, Assembly bial tina EVM leh VVPAT panga zel endik turah hian inmil lo a awm anih pawhin VVPAT chu rin zawk tur a ni tih a sawi nawn a ni.
Kum 2017-a Uttar Pradesh Assembly inthlanah EVM-a vote tla te BJP chet \hatna tura tih danglam a awm nia sawi a awm hnuah VVPAT chhiar leh chhiar loh chungchanga inhnialna hi a chhuak \an a, he thubuai hian Supreme Court a thlen hnuah Court hian a hmalama Assembly bial tina EVM leh VVPAT pakhat zel enmil tura tih chu panga zel enmil turin a rel a ni. Election Commission chuan hetianga EVM leh VVPAT endik hian vote chhiar hun chhung a ti rei dawn tih sawi mahse, Supreme Court hian political party te lungawi tlanna tur a ni tiin Election Commission hi assembly bial tina panga zel enmil turin a lo ti tawh a ni.
