Modi hian rampum huapa mipuite kharkhipna thupek kenkawh pawhsei leh sei loh chungchangah state hrang hrang Chief Minister te a lo titipui tawh a, naktuka a thusawi turah hian rampum huapa kal zel dan tur a puan rin a ni a, kum 6 chhunga sum leh pai dinhmuna a tlak hniam lai ber India in a tawn mek laiin, hri leng vanga inkharkhip hian nasa takin India sum leh pai dinhmunah nghawng a nei dawn a ni.
Rampuma district hrang hrangte covid-19 kai an tam dan a zir zela rawng chi hrang hranga chhin chhiah hran rawtna a awm a, hrileng in a tih buai lem loh district 400 vel chu rawng hring-a chhin chhiah theih a awm dawn a, hengah te hian loneih leh a kaihhnawih leh hna pawimawh dangte thawh theih tura ngaiih a ni.
Modi-a’n state hrang hrang Chief Minister 13 te a kawmnaah khan inkharkhip pawhsei chu hri leng laka ram mipuite him nan rem an ti tlang a ni
