Vawiina thuchhuah an siamah Mizoram Police chuan, DGP Pu Balaji Srivastava kaihhruaiin District hrang hrangah inthlanna muanawm leh felfai a awm theih nan Mizoram Police te bakah Para military force te chu duty tir an nih thu an sawi a, ven uluk ngai zual bik Polling Stateion 47 ah te pawh Mizoram Police leh Central Armed Police Force te duty tir an nih thu sawiin DIG 5 te chu Grid Officer-ah ruat an ni a, an ni hian Security duty te an vil reng tih an sawi. Mizoram Police chuan tun\um Inthlanpuiah hian Mizoram pumah Polling Station te inbiakpawhna lamah harsatna a awm loh nan hma an lak thu an sawi a, inthlan vuakvet chhungin zu leh ruihhlo dang Rs. 4,19,64,610 hu an man tawh tih an sawi a, ECI duh danin silai Licensed endikin Police Station-ah te dah deuh vek tawh tih an sawi.
Mizoram Police chuan, NGO, Kohhran leh MPF te nen thawh hona \ha avangin \um dangah pawh inthlanna muanawm buatsaih a lo ni tawh \hin a, tun \umah pawh boruak ralmuang tak hnuaiah inthlanpui buatsaih anih theih nan mawhphurhna nei zawng zawngte \an la turin an sawm a ni.
