Heng inthlan pahnih neih tura duty turte chuan naktukah an duty-na hmun tur an pan hlawm dawn a, inthlan vote thlak chu ningani zing dar 7 a\anga tlai dar 4 thleng neih tur niin, hetah hian mipuiten vote an thlak vek theih nan Mizoram pumah chawlh puan a ni.
Puan tawh \hin angin Election Commission of India chuan ram puma Lok Sabha inthlanpui neih tur leh Aizawl West I bial Bye Election neih tur hriattirna chu March ni 10 khan a tichhuak a. Lok Sabha inthlan chu thawh 7-a neih tur niin, Mizoram bik chu inthlan vote thlak hmasa ber April ni 11-a neih tur a ni a. Mizoram leh State dang 20-te April ni 11-a inthlan neihn hriattirna March ni 18 khan tihchhuah niin, hemi a\anga March ni 25 thleng inthlan chuh tumte tan hming pek luh theih hun hawn a ni a, hetih chhung hian mi 6-in inthlan chuh turin hming an pe lut a, chungte chu MNF candidate, Pu C. Lalrosanga, BJP candidate, Pu Nirupam Chakma, Prism Candidate, Pu TBC Lalvenchhung, Congress leh ZPM in an thlawp Independent Candidate, Pu Lalnghinglova Hmar bakah Independent Candidate dang pahnih – Pu Lalhriatrenga Chhangte leh Pi Lalthlamuani an ni a, inthlan chuh tura hming pekluhte chu March ni 26-ah endik niin, March ni 28-a inhnukdawh theih hun tawp thleng inhnukdawk an awm loh avangin he inthlan chuhtute chu mi 6 an ni ta a ni. Vote tlate chu May ni 23-ah ram chhung hmun dangte nen a ruala chhiar a ni dawn a, he inthlanna kaihhnaiwh thil pawimawh hrang hrang chu May ni 27-a zawh fel hman vek tur a ni. Tun tuma Mizorama Loksabha inthlanna neih turah hian vote nei mi 7,84,405 an awma, chung zinga mi 3,81,991-te chu mipa an nia, a bak 4,02,408-te chu hmeichhia an nia, vote thlakna tur Polling Station 1175 siam a ni dawn bawk.
Hetiang bawk hian Aizawl West I bial Bye Election neih turah pawh inthlanna chuhtu mi 3 an awm a, chungte chu MNF candidate, Pu Zothantluanga, Congress leh ZPM in an thlawp Independent candidate, Pu Lalbuanga Sailo leh Independent candidate, Rev. Dr. Zaichhawna Hlawndo an ni a. Bye Election neih tur hi Lok sabha inthlanna neih tura vote thlak hun leh chhiar hun a inrual vek a ni.
