Assembly Secretariat a\anga Zonet thudawn danin, Assembly Budget Session hi Nilaini chawhma dar 10:30 a\angin \an a ni dawn a. Session \an a nih rual hian tun hnaia boral Assembly Speaker hlui, Pu R. Lalawia leh Goa Chief Minister hlui, Manohar Parrikar-te sun an ni ang a, hemi zawh hian zawhna leh chhanna hun hman nghal a ni ang. Ninagni-ah Chief Minister, Finance changtu nibawk, Pu Zoramthanga kum 2019-20 chhunga sorkar sum hman tur ruahman a pharh dawn a, hei hi karleh Thawh\an leh Thawhlehniah te sawi hova pass tum a ni ang. Hemi hnu hian Minister hrang hrangte hna chanpual enkawlna tur sum ruahman sawi hovin a tahtawla pass chhoh zel tum a ni ang a, session hi tun thla ni 27-ah zawhfel tura ruahman a ni.
Budget Session neih tur atan hian Resolution 32, Bill 1 leh Paper Lay tur 11 a lut tawh bawk. Zonet zawhna chhangin, MNF Legislature Party Secretary, Pu Lalruatkima chuan, tun \uma Budget Session neih turah hian Budget puitling pharh tum a ni tih a lo sawi tawh a ni. March thlaa Assembly Budget Session-ah khan Budget pumpui pharh a ni lova, March ni 19 khan Finance changtu Chief Minister, Pu Zoramthanga chuan, thla 4 chhung April a\anga July thla thlenga sorkar sum hman tur Rs. 33,54,65,96,000 chu Vote on Account hmangin a pharh a ni.
