Nakkum Oct ni 2 a\anga plastic lam chi hmang tawh lo tura Sorkar laipui ruahmanna siam plastic free kalpui dan tur ngaihtuah tura AMC Board Of Councillor-in a ruat, plastic free sub committee chu vawiin khan AMC Conference hall ah an \hukhawm.

Meeting chuan Aizawl khawpui plastic free-a siam tura hmalakna hmasa atan polythene, thermocol leh tuium plastic a\anga siam te chu rawtin, hei hi BOC meeting-ah an thlen leh dawn a ni. Meeting kaihruaitu, Sub Committee Chairman Pu Lalhmingmawia chuan plastic a\anga siam thil hrang hrang hman avangin mihring hriselna-in a tuar a, leilung leh boruak a tichhe bawk a, Aizawl khawpui tui tlan ber tlawng lui pawh a tibawlhlawhin lui leh tui luankawrah te nasa takin plastic chhia hian harsatna a thlen a ni a ti a, Plastic Free-a Aizawl khawpui siam a nih theih nan mipuite chu an hmalaknaah \awiawm turin a sawm a ni.