National Bank For Agriculture And Rural Development (NABARD)-in Mizorama kawng 4 siam nan leh lei 1 dawh nan Rs.1,23,29,87,000/- a ruahman. He sum hi thingtlang lam tihhmasawnna tur, Rural Infrastructure Development Fund a\anga pek chhuah a ni a, hemi bakah hian heng hna 5 thawh nan hian Mizoram sorkar pawhin tum ve tur a nei a, chumi nen chuan sum sen ral tur zawng zawng chu Rs.1,36,99,85,000/- a ni dawn a, heng hnate hi Mizoram PWD thawh tur a ni. Champhai District-a Champhai-Khawbung kawng, Khawchhaktuipui thlenga siam \hat nan Rs.48,90,05,000/- ruahman a ni a, he hna hi kum 2020-21 chhunga zawh fel hman tura ruahman a ni. Lunglei District-a Marpara South panna kawng, Rs.4,30,70,000/- senga siam tur chu kum 2018-19 chhunga zawh hman tura ruahman a ni a, Kolasib District-a Buhchang leh Phaisen inkar kawng chhuat cement concrete-a siamna atana sum ruahman, Rs.39,37,30,000/- hmangin he kawng chhuat Rigid Pavement hi kum 2018-19 chhunga zawh tum a ni.
Siaha District-a Chheihlu leh Chakhang inkar kawng pawh Rs.22,00,00,000/- sengin kum 2019-20 chhunga siam zawh tum a ni a, Mamit District-a Langkaih lui kanna thir lei, Double Lane Built-Up Steel Girder dawh tur chu kum 2019-20 chhunga zawh tum a ni bawk.
