Mizoram Information Commission leh North Vanlaiphai Joint YMA buatsaihin vawiin khan N.Vanlaiphaia Lersia Hall-ah Right to Information Act thil tum leh hman dan mipuite hrilhfiah a ni. He inkhawmah hian Chief Information Commissioner, Pu Lalduhthlana Ralte chuan mihringte chakna leh inrintawkna petu chu hriatna a ni tih sawiin, ram inrelbawlnaah leh hmasawnna atan te, mitinin an chanvo dik tak an chan theihna tur te-in hriatna hi a pawimawh a ni a ti a, a tul phawt chuan mipui sum dik lo taka hmangtute tih mualpho ngam a tul tih a sawi a ni. He inkhawmah hian Mizoram Information Commission Secretary, Pu Vanlalngena chuan RTI Act thil tum leh a hman dan a sawifiah a, inkhawm hi Joint YMA Vice President, Pu Rokhawmthanga’n a kaihruai a ni.
