N.Korea nuclear ralthuam hmang lo turin vau

US Defense Secretary, Jim Mattis-a chuan North Korea-in nuclear ralthuam a hman vaih chuan, America-in namen lova nasa-in a bei dawn tih vawiin khan a sawi nawn a, thla leha President Donald Trump-a’n South Korea tlawh a tum chungchanga inbuatsaihna pawimawhte buaipuia Seoul a tlawh meknaah he thu hi sawiin, United States leh a thurualpuite kut thlaktu apiang chu, phuba lakna hmachhawn tura an inpeih a \ul tur thu a sawi. Tun hnaiah North Korea hian nuclear ralthuam en chhin leh, America ram kap ph^k missile en chhin chungchang hi a sawi leh tawh a, US Defense Secretary chuan, tharum leh ralthuam hmang lova, inbiak fel chu kawng \ha ber a ni tih chu America ngaihdan ding lai a la ni reng tih sawiin, eng ram pawhin America leh a thurualpuite chu kut an thlak erawh chuan kut lukhuma tuar chu sawi thu a cheng lo niin South Korea Defence Secy, Song Young-Moo nena thuthar lakhawmtute an kawm dunna-ah a sawi a ni. North Korea hian nuclear ralthuam a hman chuan, a chhan l>tna chu a namai dawn lo hle niin James Mattis-a chuan a sawi. Soth Korea ramah hian US sipai 28,500 an awm a, he ram hi thla leh tir lamah hian President Trump-a hian a tlawh dawn a, Japan, China, Vietnam leh Philippines pawh a tlawh nghal ang a, Trump-a hian South Korea Parliament-ah thu a sawi b^kah US sipaite awmna hmun pawh a tlawh rin a ni.