MNF thalai General Headquarters chuan, Mizoram University Students’ Council-in Mizoram University-in Vice Chancellor nghet a neih thuai phuta an hma lakna chu an thlawp thu, vawiin khan thuchhuah siamin an sawi. MNYF chuan, MZU-in rei tak, Vice Chancellor an nei tawh lo chu an hriat thiam loh thu an sawi a, Vice Chancellor nghet atana thlan, candidate-te interview neih hnuah pawh thla 4 vel a liam leh tawh tih sawiin, sorkar laipuiin Mizorama zirna in sang ber a ngai pawimawh tawk lo chu lungchhiatthlak an tih thu leh, hemi chungchangah hian CM, Pu Lal Thanhawla chu na taka tan la tura an phut thu an sawi bawk.
