MZP inkhawmpui hi Govt Saitual College Auditorium-ah nizan atang khan \an a ni a, rorel palaite chuan Mizoram ramri hrulah Police Force \hahnem zawk dah a nih theih nan hmalak ni rawh se tih te, Mizorama CCE kalpui mek hi ennawna siam\hat a nih theih nan hmalak ni rawh se tih te, Mizorama Zirtirtu chawimawina dawng, Awardee te hi State danga ham\hatna an neih ang Mizoram sorkarin a pek ve theih nan hmalak ni rawh se tih te lungrual takin an pawm a ni.
Heng bakah hian Mizo zirlaiten \awng hman dik leh Lehkhabu chhiar tun aia an uar leh zual theih nan hmalak ni rawh se tih te, All India Civil Service leh Central Service-ah Mizo tam zawk an tlin theih nan MZP in nasa leh zualin hma la rawh se tih te leh Mizo Zirlaiten hnam thuam an inbel uar lehzual theihna tura \an lak ni rawhse tihte pawh an rel bawk.
Vawiina vantlang inkhawm buatsaih MZP Vice President Pu B. Vanlaltana’n kaihhruai hmanpuitu, Home Secretary Pu Lalnunmawia Chuaungo chuan tunhma chuan mahni inchawm chawpin zirlaiten lehkha an zir \hin a, chuti chung chuan lehkhathiam tak tak, nihna sang tak tak chelh thei an tam a, tun hnuah nuamsa zawk leh hunpum pea lehkha zir thei zirlaiten \an an lak thar a \ul a ni a ti.
MZP President Pu L. Ramdinliana Renthlei pawhin thu sawiin, ram rawngbawl hna thawk turin Political Party-a luh kher a \ul lo a, Political party chu hmanraw tam tak zinga pakhat chauh a ni a ti a, zirlaite chu politics dik leh \ha ngaihven tur leh ram leh hnam siamtha tura theihtawp chhuah turin a sawm a ni.
