Kumthar-a MZP General headquarters Pisapui hawnna inkhawm, vawiina neihah thu sawiin MZP President chuan Mizoram Sorkar enkawl school hrang hranga zirtirtu indaihlo lutuk siamrem a nih theih nan hma an la dawn tih a sawi a. A bikin thingtlang lama zirtirtu nei tlem ten zirtirtu tam zawk an neih theih nan hma an an lak tur thu sawiin, MZP chuan zirtirtu indaih lohna chu zirtirtu neih tlem vangah an ngai lo tih a sawi a, zirtirtu awmsa semrual loh vang niin a sawi.
MZP President chuan tunhnaiah Mizo |halai \henkhatin Festival phuahchawp Korean Festival an hmang tih sawiin hnam dang an tumna leh an inthuam dan entawn chu thil zahthlak, mahni hnam hmuhsitna leh mahni hnam ngaihnepna a ni a ti a, khawvelah mahni hnam nun zahpui leh mahni hnam zia ngainep te chu miropui an awm ngai lo a, hnam boral zia a ni a ti. MZP Pisapui hawnna inkhawm hi Vice President Pu B. Vanlaltana’n a kaihruai a ni.
