MZP huaihawtin vawiin khan Mizoram hmun hrang hrangah ‘Ram humhalh kawngzawh’ a ni. Aizawlah chuan chawhma dar 10:30 khan khawpui chhung hmun pahnih – chhim lamah Sikulpuikawn leh Hmar lamah Chanmari Kawn a\angin zirlaiten kawng hi an zawh a, heng pawl pahnihte hi Vanapa Hall tualah intawk khawmin, hruaitu hrang hrangin thu an sawi a. Vanapa Hall tuala a kharna inkhawma thusawitu MZP Vice President, Vanlaltana chuan, nilaini hian Bairabi-a Zophai hmunah MZP chuan Zofate Chawlhbuk an sa dawn tih a puang. Pathianin Mizote tana ram a pek Mizoram chu venghim a, a humhalh tura hmalak chu Sorkar tih tur a nih thu leh hei hi a tihhlawhtling thei lo a nih chuan Mizo \halaiten an thiam ang anga hma an lak tur thu a sawi. Vanlaltana chuan, inrinnia Zirlaite leh Assam Police-te innawr \uma zirlaite mai ni lo, Mizo Journalist-te thlenga vai sipaiten kut an thlak chu an dem thu a sawi a, khawvel hmun hrang hrangah Media-ten zah leh ngaihpawimawh an hlawh \hin laia hmeichhiate thlenga dimdawina tel miah lova vai sipaiten kut an thlak chu an dem takzet tih a sawi. MZP Vice President chuan, Assam nena inrina mai ni lovin State dang leh hmun kilkhawr zawkte pawh venhim an phut thu a sawi a, a bikin Chakma District Council huam chhunga Zohnahthlak Bawm leh Pang hnam awmte chu nasa taka neksawr an nih thu sawiin, hmun hrang hranga ramrite chu chenna tlaka siam turin Sorkar an phut tih a sawi.
Hmar lam Chanmari kawn a\anga kawngzawh \an a nih hmaa inkhawmtawi buatsaiah MZP President hlui, Pu C. Lalrokhuma chuan, Mizoram chhung ngeia MZP-in Zofate chawlhbuk sak a tumna Assam Police-in an dodal avanga vai sipai laka zirlaite an hnungtawlh chu tlawm thlak a tih thu a sawi a. Inrinnia vai sipai leh zirlaite innawrnaah khan zirlaite chu hnungtawlh rih mah se, an tlawm lova, hmanraw keng lo an nih avangin an hnungtawlh rih mai a ni, a ti. Pu C. Lalrokhuma chuan, Zofate chawlhbuk sa turin MZP chuan hmalam a pan leh dawn thu leh an hnungtawlh tawh loh tur thu a sawi a, tuna MZP-in Chawlhbuk sak a tumna hmun chu tu ve ve tan pawh kutthlak a rem lo anga Mizoram Sorkar hotuten an sawi laiin, Assam lam chuan Police Outpost-te, plantation leh Sikul-te a din a, hei hi Mizoram Sorkar hriattir \hin ni mah se, hma a lak ngai loh avangin zirlaiten hma an la ti tih sawiin, Zophai hmuna MZP-in Chawlhbuk sak a tumna hi Mizoram ramri ni lovin, Mizoram ramri chu heta \anga Kilometre 25 vel daiha hla a la nih thu pawh MZP president hlui chuan a sawi a ni. Chhim leh Hmar lam a\anga kawngzawhtute intawhkhawmna Vanapa Hall kawta a kharna inkhawm hi MZP Treasurer, Michael Lalramsanga’n a kaihruai a, thusawitu Central YMA President, Pu Vanlalruata chuan, Zophai hmuna MZP-in Zofate Chawlhbuk sak a tum chu YMA-in a thlawp tlat tih a sawi a. Mizo \halai zingah ram leh hnam hmangaihna thinlung put nachang hre lo tam tak an awm tawh laia an thinlung kai tho tura hmalak nachang MZP ten an hria chu an chhuang hle tih sawiin, an buk sak sa vai sipaiten an tihchhiat, sa \ha leh tura an thawk chhuak leh ngam chu fak tlak a nih thu a sawi. MSU President, RB Lalmalsawma pawhin, ram leh hnam humhalh a nih phawt chuan MZP hmalakna chu a tawp thlenga an thlawp tur thu a sawi a. MZP-in Zophai hmuna Chawlhbuk sak a tumna chu Mizoram ramri ni lovin, Mizoram chhung ngei, Chief Minister hmasa ber, Pu Ch. Chhunga nupui ram pek a nih thu sawiin, MZP-in Chawlhbuk sa leh tura hma a laknaah Mizoram Sorkar leh Police-te chet dan an thlir zui zel tur thu a sawi. Thusawitu dang Aizawl City College Joint Students’ Union Vice President, Zorammawia pawhin, Social Media-a Assam Police-in silai vawi 8 vel an hmetpuak anga thu thehdarh chu a dik lo tih a sawi a. Vai sipaiin an umletna hi kilometre 1 chuang zeta thui a nih thu leh an um chhung zawng silai hi an hmehpuah thu a sawi a. Mizoram Sorkar chu Mizo zirlaite veng thei si lova Assam sikul vengah leh thlamuan tum si lova an mahni thlamuan tura kal an zirlaipuite dang bet leh siah a puh bawk. Zirlai pungkhawmte chuan Resolution siamin, Assam-in Mizoram a nek mek lai te, Mizoram chhung ngeiah Assam Sorkar-in CrPC 144 a puan hnu leh Assam Police-in Mizo zirlaite a beih hnu pawha Sorkar a muthlu chu pawi an tih thu leh an dem thu te, Mizoram Sorkar chu ram humhlah ve tura an duh thu te, ram leh hnam humhalh tura \hgalaiten theihtawp an chhuah zel tur thu leh Zofate Chawlhbuk chu sak ngei an phut thute an Resolution-ah chuan an ziak a ni.
MZP General Secretary, Lalnunmawia Pautu Report a\anga a lan danin, inrinnia Assam Police-in zirlaite kut an thlaknaah khan mi 49 an hliamin, an zinga 2 chu silaia kan an ni a. Assam Police-in silai an hmehpuah hma khan Chawlhbuk sak an tumna hmunah hian ban 3 an phun hman a. Vai sipaite kut an tawrh avangin MZP President, L. Ramdinliana Renthlei leh ACCJSU President chu tunah hian Bairabi damdawi in-ah enkawl mek an ni. Vawiina zirlaiten kawng an zawh chhung hian sorkar laka an lungawi lohna thuziak hrang hrang an ken bakah an au rual a ni.
