Hemi hnua thuchhuah an siamah MZP chuan, Hnam dang laka Mizote an him theihna tura hman mek Inner Line Permit chu a enkawltu tura ruatte an inthlahdah \hin avang leh an fimkhur tawk loh fo vangin, Mizoram mipui ten harsatna an tawk \hin tih Home Minister hi an hrilh a, \ha zawka ILP kengkawh thei tura a pek chhuah dan zawng zawng computerize vek \ul an tih thu an thlen a, \henawm State ten Mizoram ramri an nek nasa nia sawiin, hmalak \ul an tih thu te, Mizorama ramdang mi lo ut \hin danna tura ramri a police leh sipai tam zawk dah \ul nia an hriat thu te, dan lova Mizorama ramdang mi lutte dapchhuah \ul an tih thu te, Sairang-a rel a lo luh huna mizo hnam chimrala a awm lohna tura hmalak \ul an tih thu te an thlen bawk.
Home Minister Pu Lalchamliana chuan Mizoram leh Assam ramri chungchanga buaina awmte sukianga ngaihtuah zuitu tur Core Committee thar din turin Chief Minister sawipui a tum tih MZP te hi a hrilh a, Zophai pawh MZP hruaitute nen tlawh \ha a tih thu leh sipai pawh tam zawk dah a nih theih nan hmalak a nih tur thu a sawi a, ILP chunchang pawh \ha zawka kalpui tum a ni ang a ti.
