MZP chuan, he thutlukna an dodal thu hi Prime Minister hnenah ziaka thlen nise an ti a, Home Ministry in hmarchhak bial State 5 a Assam Rifles hnena Armed Forces Special Powers Act hmanga thuneihna a pek na Order pawh hal an tum thu an puang a ni. Mizoram chhim lam Myanmar ramri hrul khaw hrang hranga Assam Rifles in Sipai \hahnem tak a dah belh chungchang pawh thlirhoin MZP chuan, Assem Rifles te awmna khaw mipuite bangbo leh hlauthawng taka an awm mek chu pawi an tih thu an sawi a, hetiang a nih mek laia Sorkar laipuiin Assam Rifles hnena Warrant tel lova mi man leh dap phalna pek a tum chu mak an tih thu sawiin, Sipai chetvel dan chu sorkarin sipai nunchan zirna satliah anga sawi chungin thil ngaih\hatthlak loh inphum theiah MZP chuan a ngai a, hetiang hi thil awmdan a nih mek a vangin Mizoram sorkar chu mipuite himna ngaihtuahtur leh thlamuan turin an beisei tih an sawi.
