Pu Lalruatkima hian zirtirtu te mi in luah ngai lova an awm theihna turin quarters sak a nih theih dan tur Rural Development Dept leh Education Deptt \angkawpin an dap mek a, hmalak dan tur ruahmanna project pawh an siam mek tih a sawi. Pu Lalruatkima han zirtirtute chu ram leh hnam dam nan leh khua leh tui \ha chherchhuak tu an ni a, zirtirute chu ramin hma a sawn theih na tur te, ram dinhmun siam \ha tur tea thawhlawk ber zinga mi an ni a ti a, naupang ten an zirtirtu te chetzia leh khawsak zia nasa takin an zir a, nu leh pa te thu ai pawha an ngaihpawimawh chang a tam \hin avangin zirtirtute pawh entawntlaka an awm a ngai tih a sawi.
Aizawla zirtirtute ni lawmna-ah hian MZP President Pu L Ramdinliana Renthlei pawhin thu sawiin State leh National level a Mizo zingah zirtirtu \ha chawimawina dawng thei an awm \hin chu lawmawm a tih thu a sawi a, zirtirtute chu ram leh hnam, khawtlang tana mi\angkai chher chhuaktu an nih thu a sawi.
Inkhawm hi MZP Vice President Pu Vanlaltana’n a kaihruai a, zirtirtu tha State leh National levela chawimawina dawngtu te hnenah chawimawina thuziak an hlan a ni.
