Rohingya raltlante zinga puitling 21 vel chu kum hnih chhung tang turin an chungthu rel a ni a, man an nih chhan chu indentity card dik lo an hman vang nia sawi a ni. Kar kalta mante zinga naupang 8 chu Yangon bial training school-ah dah a ni a, an zinga kum 5 mi chu engtia tih tur nge tih thuneituten an la ruahman fel thei lo niin Human Rights Watch chuan a sawi.
Human Rights Watch-a Asia Director, Brad Adams chuan mi 30 tlan chhuahna zawnga Yangon pan tumtute chu hrem an ni a, a rei lo berah kum khat tan tir an ni dawn tih a tarlang a ni.
Rohingya raltlante hi a tam zawk chu Muslim an ni a, Rakhine State chhuahsan tuma an beih vangin man an ni a, raltlan mi sing khat vel chu kum 2012 a\ang khan refugee camp-ah dah an ni. Camp-a awm lo, khuaa chengte pawh an khaw lam pan tumte chu khauh taka vil reng an ni a, an zinga Buddhist mite erawh an duhna hmuna kal an phalsak thung a ni.
