Myanmar sipaiten ramri hrulah chil puah bomb phum

Myanmar sipaiten Bangladesh ramri bulah chil puah bomb an phum avangin civil mi pathum an hliam tawh a, kar kal ta khan mi pakhat a thi niin Amnesty International chanchinbu chuan a sawi. Chil puah bomb hman hi khawvel ram danin a khap a, Amnesty International sawi danin, ralthuam lama mi thiamten mi chi hrang hrang an kawmna leh an zir chianna atangin, Myanmar-a Rakhine state hmar thlang lama Bangladesh ramri bulah chil puah bomb eng emaw zah kam ruk a ni tih hriat a ni a, UN chuan Rakhine-a buaina chhuak thar leh avang khan tun hnaiah Rohingya Muslim 2,70,000 vel chu helai hmun kal tlang hian Bangladesh ram chhungah an lut tawh niin a sawi. Myanmar sipaiten ramri hrula bomb an kam ruk chhan hi hriat ni lo mah se, mi thenkhat chuan Rohingya Muslim tlanchhiat tumte vau nan leh Bangladesh lama an lut tur dan nana an tih a nih an ring a ni.