Myanmar sipaiten tharum thawhna thlenna bial, Rakhine state-a thil awm dan leh, sipaite ch>t dan chu en chian mek a nih thu an sawi a, puan tawh \hin angin, United Nations chuan he bialah hian Rohingya Muslim-te hi suat tum ang hiala kut thlak niin a sawi. Chawlhkar 7 vel kal ta chhung khan Rohingya mi, nuai 5 velin Rakhine hi chhuahsanin Bangladesh an pan a, Myanmar sipaite leh Buddhist mipui pung khawmin Rohingya Muslim tam tak an that a, hmeichhiate an pawngsual a, an chenna inte an hal nasa hle nia sawi a ni. He buaina in\anna hi Rohingya-a hel hovin August ni 25 khan Myanmar police hmunte an bei nia sawi a nih vang a ni a, sipaiten dimna tel lovin phuba an la ta nia sawi a ni. Myanmar sipaite erawh chuan puh an nih ang hian Rohingya mite hi kut an thlak lo niin an sawi reng a, UN ngaihdan chuan, Myanmar sipaite hian Rohingya Muslim-te hi an ram a\anga hnawhchhuah an duh avangin, an kir leh ngam lohna tur khawpa rikrap nan hetiang hian kut an thlak a ni ber a, sipaite erawh chuan, thil awm dan hi an chhui chiang ve mek nia sawiin, an hmuh dan pawh khawvel hriat theih tura tlangzarh an tiam a ni. Sipai hotute chuan, an hriat chinah chuan sipaite thil tih chu dan bawhchhiatna tel lo, dan chhungah vek niin an sawi a, thuhretu tam tak an awm nia sawiin, thil awm dan chu kimchang taka tlangzarh a nih tur thu, General Min Aung Hlaing-a Facebook page-ah tarlan a ni. Myuanmar sipaite hi kum 50 chhung, pawisak nei mang lova rawng taka che tawh an nih avangin, zahngaihna tel lova ch>t hi an ti\hang tawh nia ngaih a ni a, eng anga rapthlak pawhin pawi khawih se, thubuai siamsak theih loh an nih \hin avangin, mipui rorelna hnuaiah pawh kha nungchang kha an la chhawm nia sawi a ni.
Chanchin Thar Myanmar sipaiten Rakhine state-a thil awm dan leh, sipaite chet dan chu...
