Home Minister, Pu R. Lalzirliana’n tun hnaia Myanmar sipai leh Arakan hel pawlte inkahna avangin zohnahthlak, mi 1,240 vel, Mizoramah an raltlan mek niin a sawi a. Hemi chungchang hi sorkar laipui hotute pawh hriattir an nih tawh thu leh, Mizoram chhim lama khaw 4 – Lungtlangzau, Laitlang, Hmawngbuchhuah leh Zochachhuah-ah an insem darh thu sawiin, nimin khan Lawngtlai BDO chu a hmunah kalin, thil awm dan leh \anpuina pek dan tur a enfiah niin a sawi. Zawhna chhangin Pu R. Lalzirliana chuan, Mizorama raltlante chu Myanmara a\anga Bangldesh-a raltlan, Rohingya Muslim an tih ang ni lovin, zohnahthlak vek niin a sawi a, Rohingya Muslim-te chu Mizorama an lo luh a hlauhthawnawm loh niin a sawi. Heng raltlante hian tun kar Ningani khan Mizoram an lo lut a, Mizoram an lo luh dawn hian Zochachhuah VCP-in amah chu phone hmanga bia-in, an mikhual ngam dawn leh dawn loh a zawt a, raltlan, himna zawng an nih avangin \ha taka dawngsawng tura a hrilh thu leh Myanmar sipai nena an inkahnaa hliam, Arakan hel 5 chu tunah hian Aizawla enkawl mek an nih thu a sawi. Pu R. Lalzirliana chuan, Myanmar leh Mizoram inrinaah hian Assam Rifles an duty avangin Mizoram Police chu a hrana Duty-tir an nih loh thu leh thil awm dan erawh chu uluk taka an thlithlai reng thu a sawi a ni. Zawhna chhangin Home Minister chuan, Myanmar a\anga Mizorama raltlante chu a theih ang anga chhawmdawl an nih tur thu leh tunah pawh a thlawna ei tur pek an nih thu sawiin, Lawngtlai District Bawrhsap chu Supply Department Director nena inbia a, buhfai pek dan tur ngaihtuah tura hriattir a nih tawh thu leh a \ul chuan sorkar laipuiah \anpuina dil a nih tur thu a sawi bawk a ni.
Home Department-in tun hnaiah Bangladesh a\anga dan kalha Mizorama lo pem l<t an awm lo nia a chhinchhiah chungchang zawhna chhangin Home Minister chuan, dan kalha lo pem lut tak chu hriat a nih loh thu leh, hetih rual hian dan kalha Mizorama lo lut erawh chu mi eng emaw man chhuah an nih thu sawiin, kumin chhung ringawt pawhin Bangladesh a\anga dan lova Mizorama lo lut mi 500 vel chu an awmnaah thawn kir an nih tawh thu a sawi a ni.
