Tuipuiral Group YMA hian Myanmar ramri depa Duty Branch YMA 10 te chu a tul huna puibawm thei turin ram laili lam Branch te an ruahman a, hemi bawhzui hian nimin leh vawiin khan Vanzau Branch chu Lianpui Branch YMA Duty-te pui turin an kal a, Leithum Branch chu Thekpui-ah, Vanzau leh Samthang Branch chu Thekte-ah, Khawbung Branch chu Chawngtui ramri duty-te pui turin an kal a ni. Ramri-a Duty-te pui tura kalte hian Duty thawlna lai deuhah riahbuk insual chawpin kar khat chhung an Duty ang a, heng mite hi member dangin an thlak kual zel dawn a ni.
