Khuangthing Village Task Force leh Dungtlang Police tangkawp chuan Khuangthing leh Dâwn inkar Tiau lui kai hmun hrang hrangte vawiin khan enfiahin kal tlang phal a nih lo thu an tar a. Nizan atang khan Burma lam kai leh Khuangthing luhna kawngpuiah te duty in, dan phal loh lut leh chhuak an in dang vek a. State dang atanga hawng, mahni inlama inkhunghranna tha nei lote tan Gov’t Khuangthing Middle School an ruahman a ni.
Hetih lai hian Tuipuiral tlangdung Burma kai thenkhat — Chawngtui leh Thekte-ah te Poilice emaw Assam Rifle duty emaw awm lo mah se, heng khuaa Branch YMA te’n theih tawpin an khaw zawna inkalpawhna khan hi an la veng kal zel a, kar hmasa lama Force lam awm lohna Sesih-ah erawh Assam Rifle hmun hnih-ah an duty tawh a. Khuangthing kaiah duty ngheta Police emaw Assam Rifle dah an awm lo a. Village Task Force lam pawhin lehkha an tar bak chu kawtchhuahah bak an duty lo niin an sawi.
Saikhum-a duty mek te chu uluk leh zual zawka duty turin Home Dept chuan Dungtlang Police te a hriattir a. Tuipuiral tlangdung-ah hian Khawbung, Vaphai leh Farkawn-ah te Assam Rifle post a awm mek a ni.
