Myanmar Police ten Rakhine-ah Bhuddhist 7 kaphlum

Myanmar Police te chuan Rakhine State chhunga lungawi lohna lantirtu Buddhist lakah silai hmetpuakin, mi 7 aia tlem lo an thi.
Arakan lal ram tluk chhiat hriat rengna hun kum tina hman thin khap anih thua lungawi lovin Rakhine biala cheng Buddhist 4,000 rualte chu nimin khan Mrauk U hmunah an pungkhawm a. Police te silai hmehpuah avanga hliam tuar mi tam tak damdawiin ah dah luh an ni bawk.
Myanmar-ah hian hian hnam hrang hrang cheng an tam hle a, an zinga thenkhat chuan silai kengin sorkar nen an indo a. Nimina buaina chhuahna hmun Mrauk U hi Arakan lal ram khawpui thin a ni a, helai hmuna cheng Rakhine mi leh sa te chuan kum 200 liamta-a Burma sipaiten an lak ni hi kum tin an hmang thin a. Kuminah erawh thuneituten he ni hman hi an rem tih tak loh avangin mi thahnem tak chu sorkar hmun pawimawhah te pungkhawmin buaina hi a chhuak ta a ni. Police te hian thelret silaimu hmangin mipuite hi hnawh darh an tum phawt a, mipui pungkhawmten lunga an vawm let tak avangin silai pangngai an hmetpuak ta niin thuneitute chuan an sawi.