Mizoram thenawm lawk Myanmar ah Covid-19 hri vei mi pahnih hmuhchhuah an nih thu puan chhuah anih hnu ah, Myanmar nena ramri-a inpawh tawn reng \hin, Lawngtlai District chuan nasa leh zuala inveng turin nizan dar 9 atang khan Central YLA leh District Level Task Force te hmalakna in khuahkhirhna khauh leh zuala kalpui \an a ni a, nimin lamah mipui te tan chakkhai lamna hun siam anih tur thu puanzar lo ni tawh mahse, hei hi sut leh nghal a ni a, Nizan dar 9 atang khan eng dawr mah hawn phal a ni lo a, Mihring pawn chhuah khap anih bakah, phalna nei lirtheite chauh chhuah phal a ni. Lawngtlai District Level Task Force chuan ramri dep a Duty Post te chu uluk leh zuala ramri veng turin an chah nghal bawk.
Lai Autonomous District Council Executive Committee chuan Covid-19 darh lohna tura thahnemngai taka thawktu Central YLA hnenah \anpuina Rs 100,000/- a pe a, Lawngtlai Area TKP in Rs 5,000/- leh Lawngtlai District MJA ten Rs 3,000/- an pe bawk a ni. Lawngtlai West bialtu Pu C. Ngunlianchunga chuan Lawngtlai Khawpui chhung a Duty Post te tlawh kualin tangkafai \anpuina leh hmai tuamna te a pe a ni.
