Muzaffarpur shelter home-a hmeichhe naupang 30 chuang mipat hmeichhiat thila khawih chingpen an nih chungchanga thubuai kal zelah Supreme Court-in Bihar sorkar na takin a khak.

He thubuai hi vawiin lamah khan SC hian a ngaihtuah a, Court sang ber chuan National Crime Records Bureau chhinchhiah danah pawh chawhrualin darkar ruk tin hmeichhe pakhat pawngsual anga chhut a nih laia Bihar sorkar-in hmeichhe naupangte awmna Shelter a enfiah ngai lo chu a dik lo hle niin a sawi a, heng Shelter enkawltu NGO te hnenah kum 2013 a\ang khan \anpuina sum-te pawh pek \hin a nih thu te leh an pawisa hmanna pawh chhui zui a nih ngai loh thu te a sawi bawk a ni. Bihar sorkar chuan he thubuai-a inhnamhnawiha puh mi 10 an man tawh thu leh FIR pawh 9 ziah luh a nih tawh thu a sawi a, naupang khawih an ni \hin tih chhui chhuaktu, Tata Institute of Social Sciences chuan Mazaffarpur pawn lama shelter dang 14 pawh rinhlelh an kai thu Court sang ber hi a hrilh bawk a ni.