MURA leh MPCC in kum 2008 leh 2013-a inremna thuthlung an lo siam tawh chu tihhlawhtlin sak tura Sorkar an phut thu Ex-Mizo National Army Association in an sawi. Inremna an siam a\anga kum 10 dawn ral hnu leh dawhthei taka an nghah hnuah, sorkar-in an inremna a tihhlawhtlin theih loh avanga chawngheia nawr hial a ngai ta chu pawi an tiin, MURA member-te chu an lainat takzet tih an sawi.
Ex-MNA Association chuan, MURA member-te chu kum 60 chunglam deuh vek an nih tawh laia chawngheia sorkar nawr a ngai ta mai chu an hriselna pawhin a tawrh phah an hlauh thu leh ngaihtuahawm an tih thu sawiin, MURA laka a intiamna leh tuna an thilphutte chu tihlawhtling tura Mizoram Sorkar an phut thu an sawi a, chaw an nghei mek chu tihtawp dan a rang lama ngaihtuah tur leh dawhkan kila an thil phutte sawipui thuai turin sorkar an ngen a, MURA-te chu politics-a an thlawpna ringawt hmang \angkai lovin, an lo intiam tawh anga an thilphutte ti hlawhtling turin Congress kaihhruai Mizoram Sorkar chu an phut tih an sawi.
