Ruah a sur nasat zual zel avangin nizan dar 9:30 vel khan Ratnagiri District-a Tiware tuikhuahna chu hmun \hekhatah a sah a, Akle, Riktoli, Ovali, Kalkavne leh Nandivase khua te chimin in 12 leh lirthei 20 a hnawl a ni.
He tuikhuah hi kum 19 vela upa a ni a, a khuahna hi sah mai thei a ni tih thuneitute pawh hriattir ni tawh mahse, hmalakna a awm lo a ni. Mumbai a\anga km 275-a hla Ratnagiri District hi National Disaster Response Force chuan panin chhanchhuah hna an thawk a, Police te leh mi tlawmngaiten an puibawm bawk a ni.
NDRF thupuangtu Alok Awasthy chuan drone hmangin ruang 6 awmna an hmu chhuak tawh tih a sawi a, midang 18 te erawh an chin an la hre thei lo tih a sawi a, nung dama chhanchhuah theih an awm em tih an zawng mek tih a sawi.
Maharashtra Chief Minister, Devendra Fadnavis chuan tun \uma Mumbai khawpuiin ruah tui a dawn nasat ang hi kumdangah an la hre ngai lo tih sawiin, darkar 12 chhungin ruah millimeter 300 a\anga 400 a sur a, hei hi thil danglam tak a ni a ti.
