Mi 4 in hri leng an kai tih hriat chhuah a nih hnu hian house-a awm mek zinga test la ti ve lo zawng zawng, mi 35 te chu Inrinni tlai khan an sample endik tura lak a ni a, nizan khan result hi hriat a ni a, mi 35 te result hi a vaiin a negative vek a ni.
Mumbai Mizoram house-a awm zinga pakhat cancer natna nei, hmeichhe pakhat chu zai tura Hospital-a dahluh anih dawnin Covid-19 a kai tih Thawh\anni kalta, April ni 13 khan hriat chhuah a ni a, hemi hnu hian Mizoram House-a awm cancer natna vanga damlo te leh anmahni awmpuitu mi 20 te chu an sample endik nghal a ni a, heng zingah hian pathumin an kai tih Inrinni khan hriat belh a ni a, sample la endik loh zawng te hi endik tura lak vek an ni ta a, vanneihthlak takin mi 35 te hi chuan hrileng hi an kai lo tih finfiah a ni. Covid-19 kai tih hmuh chhuahte hi mipa pahnih leh hmeichhia 2 an ni a, an zinga pathum chu cancer natna nei an ni a, pakhat chu damlo awmpuitu a ni.
