In chim awmna lai hmun hi a zim avangin khawl hmanga hnathawh theih a ni lova, tang chhanchhuah loh an la awm niin chhanchhuah hnathawktute chuan an sawi.
National Disaster Response Force a\angin team pathumin chhanchhuah hna zan khua-in an thawk a, a bul hnai chengten an pui bawk a ni.
Maharastra Chief Minister, Devendra Fadnavis chuan helai vel chei\hatna tur hian phalna pek a ni tawh a, hnathawh tih khawtlai a ni em tih chu thil awmdan zirchian anih hnuah a sawi theih ang a ti a, tunah rih chuan mi tang chhanchhuah hnaah chauh an inthlurbing rih dawn tih a sawi. Chief Minister chuan mitthi chhungte hnenah zangnadawmna cheng nuai 50 \heuh pek an ni dawn a, hliamte chu sing 5 \heuh pek an nih dawn bakah an inenkawlna senso sorkarin a tum sak dawn tih a sawi bawk.
In chimna hmun Dongri hi kar kalta pawh khan tuilianin a lo chim tawh nghe nghe a ni.
