Mumbai hian darkar 8 vel chhungin ruahtui millimeter 170 a dawng a, Brihan Mumbai Municipal Corporation Disaster Control-in a tarlan danin hemi chhung vek hian khaw pawn lamah millimter 58.2 a sur bawk a, hei vang hian Kurla leh Sion inkara rel service chhuah hun tih khawtlai a ni
a, Santacruz, Goregaon, Malad, Kurla leh Sion kawngpui te tuilianin a chim bawk a, hetihlai hian Chhatrapati Shivaji International Airport a\anga thlawhna chevel erawh a pangngai thung a ni.
India Meteorological Deptt. chuan Mumbai, Palnghar, Thane, Raigad leh Ratnagiri District-ah te cyclone-in a ken tel ruah tam tham tak a la sur dawn niin a tarlang a ni.
Mumbai Andheri-ah hian chhum a zin nasat avangin car pathum a in su a, mi 8 an hliam a ni.
