Zirtawpni zan khan Aarey-ah thing 3,000 kih a ni a, helai hmun hi Mumbai Metro car dahna tura ruahman a ni. Thing kih phal lotuten dan tum mahse, dang hneh lovin hmun him lai a\angin thing kit lai chu an thlir a ni.
Hemi kaihhnawiha buaina a chhuah loh nan Mumbai thuneitute chuan mi 4 aia tam awmkhawm an khap a ni. Mumbai Public Relations Officer, Pranaya Ashok sawi danin mi 38 lakah FIR thehluh a ni a, mi 29 an man te chu vawiin khan Court-ah hruai an ni.
Aarey Colony-a thing kih chungchanga petitions lut chu Bombay High Court chuan a hnawl a, hemi hnu hian thing kih hna chu thawh \an a ni. Thing kih duh lo mipui pungkhawmte chuan Aarey-a luh an tum a, an zingah Shiv Sena hruaitu, Priyanka Chaturvedi pawh a tel a ni. Priyanka chuan Police ten Aarey luhka an dang a, dan bawhchhe lo mah se tihluihna-in amah chu an chhuah luih tir tih a sawi a, car-ah chuanpuiin khawi lam nge an panpui dawn tih pawh an hrilh duh lo niin a sawi.
Municipal Corporation of Greater Mumbai chuan Court-in thingkih phalna order a tihchhuah a\anga ni 15 ral hma-in thing an kit thei tih a tarlang a, thing kih phalna hi MCGM Website-ah tun thla ni 4, Zirtawpni khan a tar a, a tar zanah thing chu kih a ni tih a tarlang bawk.
