Mumbai a\anga Kolhapur pan, he rel-a chuangte chhanchhuak tur hian National Disaster Response Force lawng paruk leh sipai helicopter pahnih tirh a ni. Rel-a chuangte chuan darkar 15 chhung an tan tawh thu leh tui in tur leh chaw ei tur an neih tawh loh thu an sawi a, an sir tawn tawnah tuilianin feet 6 dawna thuk a chim avangin an tan chhuah ngaihna a awm lo tih an sawi.
Hetihlai hian railways hotute chuan passenger te chu rel a\anga chhuak lo turin an hriattir a, mithiamte \anpuina nghak turin an ngen a, National Disaster Response Force mi tirh te chuan nunau 200 vel hmun him lamah an suan chhuak tawh a ni.
Badlapur, Ulhasnagar leh Vangani chhehvelah tukin khawvar \an tirh a\ang khan ruah nasa taka a sur avangin khaw chhunga luang lui leh dil te a lian nasa a, hei hian harsatna nasa a thlen a, Mumbai-a thlawhna leh rel service tam tak chawlhtir an nih bakah thlawhna \henkhatte chu \umhmun dangah \um tir an ni.
