Kum 26 mi, Muslim chi leh kuang hniam zawk, Adivasi Tadvi Bhil tribal mi Payal Tadvi hi Mumbai-a BYL Nair Hospital-a second year resident ni lai, hmeichhe lam doctor a ni a, a chhungte sawi dan chuan thla engemawzat kalta a\ang khan chi leh kuang chungnung zawk a mi hmeichhe doctor 3-in tribal mi a nih avangin an tihbuai \hin thu leh a hna thawh tihkhaihlakah te vauin mawi lo tak takin an ko \hin a, hei vang hian May ni 22 khan a intihlum a, a intihhlum hma hian doctor dang 3-te’n an tihbuai chungchang hi a sawi chhuak leh niin a nu chuan a sawi tel bawk a, an khawtlang a zirna sang zawk zawh hmasa ber leh an chhungkua-a doctor hmasa ber, lehkha thiam thei leh thawkrim tak a nih thu a sawi bawk a, December 2018 leh May thla tir khan damdawiin hotute hnenah lehkha thawnin a fanu harsatna tawhte hi a lo hrilh tawh thu te a sawi bawk a ni. He thil thleng vang hian Mumbai, Pune leh Delhi-ah Dr Tadvi hriatreng nan leh zirna ina chi leh kuang hniam zawk te hmusitna doin kawng zawh a ni bawk a ni a,
Police te chuan Thawhlehni leh Nilaini zing khan Payal-in amah tibuaitute nia a sawi doctor pathum Hema Ahuja, Bhakti Mehere leh Ankita Khandelwal te hi an man a, IPC hnuaia Scheduled Castes and Tribes Act, Anti-Ragging Act, IT Act leh Section 306 tlawhchhanin an lakah thubuai ziahluh a ni.
