Muaythai Association of Mizoram hruaituten Muaythai infiamnain mipui ngaihhlut a hlawh lehzual theih nan hma an lak mek thu an sawi a. Vawiina Lunglei Press Club-a thuthar lakhawmtute an kawmnaah an pawl President, Pu Brian Lalnunhlima chuan, Muaythai Association of Mizoram chu kum 2004 ah din a nih thu leh tun hma lam chuan Muaythai infiamna chu hriat leh ngaihhlut a hlawh thin viau laia tun dinhmunah a tlahniam deuh nia lang chu siam\hat an tum thu sawiin, Mizo \halaiten Muaythai an tuipui theihna tura theihtawpa hmalak an tum thu a sawi a. Aizawl bakah District hrang hrangah District huap Muaythai Association din tura hma an lak mek thu a sawi. Muaythai Association of Mizoram hruaitute chuan, Mizorama Sport Association hrang hrang zingah an ni chiah chu Tournament buatsaih dawna Players-te hriselna endik \hin leh HIV test \hin awmchhun an nih thu sawiin, hei hi Sport Association dangte pawhin entawn ve se an duh thu an sawi bawk.
