Aizawl-Lunglei kawnga Mualthuam North Baptist Kohhran chuan nikum December ni 23 atang khan Pathian thlarauva hlimna an chang a, khami zan atang khan zantin la zaikhawmin Pathian an fak ho thin a, lam pawh an tam thei hle a, Pathian hnena lawmthu sawi nan leh chawimawi nan ran te thawha ruai buatsaih an awm chho zel bawk a, Inrinni hmasa, tun thla ni 10 khan Pathian chawimawi an awm leh a, hei hi ran thawha Pathian chawimawi tum 9-na a ni a, bialtu Pastor K. Lalhnehliana chuan Pathian thuchah a sawi thin a, Lal Isuan thlarau bo zawng chhuaka saltangte a chhuah thu leh hnungtawlh tawhte ama hnen lama a hruai kir leh thin thu a tlangaupui thin a ni. Vawiin, Inrinni pawh khan Harmon Veng BCM Kohhran chuan ruai buatsaihin Pathian an chawimawi a, harh thar lehna a darh zel theih nan tawngtaipui turin ringtute an sawm bawk a ni.
