MSU General Hedquarters hruaituten Chief Minister Pu Zoramthanga hmuin, RUSA Addl. State Project Director nilai pension tur sorkarin thla ruk atana rawih chhunzawm a tum chu an duh loh thu an thlen a, Chief Minsiter hian notification tih chhuah tawh chu cancel anih tur thu a lo hrilh.

MSU hruaitu te hi an President Vanllalliana Khiangte in a ho a, RUSA Addl. State Project Director nilai hi kumin April ni 30 a pension tur a ni a, sorkarin thla ruk chhung rawih chhunzawmna tur notification a chhuah chu cancel leh turin Chief Minister hi an ngen a, MSU hruaitu te hian sorkar hnathawk pension tawh rawih nawn chuan \hangthar mithiam tam tak tan hna zawnna kawngah harsatna a thlen \hin nia sawiin an duh loh thu an sawi. MSU thuchhuah tarlan danin Chief Minister hian an ngenna hi Chief Secretary a lo sawipui tur thu leh vawiin ngeia order chhuak tawh chu cancel a nih tur thu a lo hrilh a ni.