Pu Lalramthanga Tochhawng hi Mizo zinga Additional Deputy Comptroller and Auditor General, hmasa ber a ni a, a hna chelh lai Principal Accountant General, Mizoram-ah thla 6 la nei mahse nimin khan voluntary pension-in a chhuak a, MPSC Chairman atan hian ruat nghal a ni.
Pu Lalramthanga Tochhawng hi kum 1986 IA&AS batch a ni a, India ram hmun hrang hrang hna thawk kualin tawn hriat nei \ha tak a ni a, Mizoram sorkar hnuaiah pawh Secretary hna a lo chelh tawh a, Agriculture leh Social Welfare Department-ah Secretary leh Director hna a lo chelh kawp tawh a. Kum 2007-a Accountant-General Office Mizorama din anih khan Accountant-General, Mizoram hmasa ber a ni a, kum 2011 ah Principal Accountant General ah kaisangin Principal Accountant General, Mizoram hmasa ber a ni bawk.
Kum 2015 a Telengana State siam thar anih khan Principal Accountant General (Audit), Telengana hmasa ber a ni leh a, kum 2019 January thla khan Principal Accountant General, Mizoram-ah a lo let leh a, nikum August ni 1 khan Additional Deputy Comptroller and Auditor General ah a kaisang leh a ni.
