MPCC leh ADCC hruaitu thlan tharte tlinga puanna leh Certificate hlannna inkhawm vawiina Congress Bhavan-a neihah thu sawiin, Pu Zodintluanga chuan, nikum kum tawp lama State Assembly inthlanpuia an tlak tirh khan an Party chuan sorkar thar chu bei mai lova, an mahni kal kala kal tur leh an inpal hnawk huna beih atan an dah tih a sawi a, hetiang hi ni mah se, sorkar kalphung chu ngun takin an thlir reng a, Mizoram budget an siam dan te, Supreme Court thuchhuak palzut chunga MR-a zirtirtu lak an tum dan te, Mizo \halai lehkhathiamte hmangaih miah lova MPSC thuneihna an chhuhsak dan te, an kutchhuak ni miah lo, Mizoram Medical College hmasa ber MIMER hming an thlak ringawt dan te ngaihtuahin Mizoram hmangaihtu dik takte tan chuan MNF sorkar kal dan chu ngawihpui mai mai chi a ni ta lova, Mizoram an sawp chhiat vek hmain MNF sorkar chu paihthlak a ngai a, chu chu khua leh tui \ha te tih tur pawh niin a lang a ni, a ti.
Pu Zodintluanga chuan, Chief Minister, Pu Zoramthanga chu a thil tih leh \awngkam vangin \halaite nuihzat a ni mek nia sawiin, Social media lamah nasa takin nuihzat a hlawh mek a, hetiang Chief Minister Mizoramin a nei hi a vanduai thlak hle a ni, a ti. Tun hmaa State Assembly inthlanpuia an tlak chuan n^ takin an tla a, Bhavan chu a hran hlauhawm khawpin a reh duk \hin tih sawiin, Pu Zodintluanga chuan tun \uma an tlak danah erawh an Party mipuiin Sorkar leh mai turin beiseina sang tak an nei a, mithiam hrang hrang te, College zirtirtu leh zirlaite pawhin Sorkar leh vat turin an beisei a. Kum 1998 a an tlaka \um nen kha chuan tuna an dinhmun chu a inthlau hle tih a sawi.
An Party-in Kum 10 chhung thuneihna an chan lai khan Minister leh MLA zingah eirukna vanga hminghliau an awm a, hei hian an Party-in hruaitu \ha an neih vang tih chiang takin a lantir a ni, a ti a. MNF ve thung chu an sorkar hmasak khan kawng hrang hrangin harsatna an tawk a, Chief Minister hovin an hruaitu lawkten eiruk thubuai lian tak tak an awrh phah mek a, tunah pawh thla 6 an sorkar awrh tihah an mahni palhnawkah an talbuai \an leh mek niin a sawi.
He inkhawm hi MPCC General Secretary, Pu PC Zoram Sangliana’n a kaihruai a, MPCC leh ADCC hruaitu thlan tharte hnenah Certificate an hlan nghal a ni.
