Vawiina an party Political Session neihah thu sawiin Pu Lal Thanhawla hian Sorkarin eng ang pawhin MIMER hming chu thlak mahse an party chuan a tum a thlak dawn lo tih a sawi a, Medical College changtlung tak neih chu an hunlaia an thil tum leh tun thlenga an tum a nih thu a sawi. Pu Lal Thanhawla chuan, Sorkar kalphung chu nguntakin an vil dawn tih a sawi a, an party mipuite chu an beisei aia hmain an tho leh dawn a ni tih inhre turin a fuih a ni. Pu Lal Thanhawla hian, SEDP engtikah nge an sem dawn tih sorkar chu a zawt a, mahni in siam lenna tur atana mi bum pawh pawi ti lo te leh eiruk thubuai nei te hi eng angin nge mipui ten an ngaih dawn tih an thlir mek tih a sawi. Pu Lal Thanhawla hian, Mizoten zu an buaipui lutuk tihreh dan a awm em tih an ngaihtuah hnuah zu zawrh chu an remti tih a sawi a, hemi avang hian zu buaipui lutukna pawhin ziawm lam a pan hman a, tunah a bul \an a ni leh ta a ni a ti bawk.
