Vawiina Congress Bhavan-a inkhawmah Pu Lal Thanhawla chuan, Mizorama chhungkaw tinte chu MNF Sorkar-in Rs. nuai 3 a bat sak a ni, a ti a. Inthlan dawna an Campaign au hla ber Rs. nuai 3 sem hun chu Zoram mipuite’n nghakhlel takin an thlir mek a ni, a ti. An party thuneitu ruahman anga Party hruaitu thar thlan hunah hruaitu thar tha tak tak an thlang chhuak dawn a, an party chu hma lam panin a kal zel dawn tih sawiin, Mizoramah Congress Party bak dingchhuak leh tur an awm lo tih a sawi a. Mizoram Congress Party chu Delhi-a an lam\ang te an chet that loh avangin Mizorama che tha lo zui turin MNF hotupa-in a sawi \hin chu thu dik tawk lo a ni tih sawiin, an ni chu Pathian lama \ang an ni a, Delhi lamah an innghat ve lo tih sawiin, politics huang chu duh duh leh nuam tih zawng sawi mai maina tur a ni lo tih a sawi.
Tun hnaia District Council sorkar inthlak chu tuna Mizorama sorkar na chelh mektu ten namen lova District Council sorkar an vau vang nia sawiin, Pu Lal Thanhawla chuan, heng mite hian an sahimna tur leh dam chhuahna tur an zawng mai nia a ngaih thu leh Sorkar sorkar chuan Disstrict Council sorkar dinglai chu a pawng a taka a suasam ve ngai loh thu a sawi. Congress party chu Mizorama Remna leh Muanna a awm theihna tura hmalatu a nih tih sawiin, Mizoram tana hnam rotling hnutchhiahtu party an ni a, Mizoram pawna Mizoram House zawng zawng pawh Congress party kutchhuak vek an ni tih Pu Lal Thanhawla chuan a sawi.
