Eptu pawl lian ber MNF chu Mizoram tichhetu-ah puhin, na takin a bei a, kum 20 chhung ramhnuai a\angin ram an tichhia nia sawiin hei hi siam\hat a nih theih nan lal \hutthleng an kian niin a sawi a, remna leh muanna a awm hnuah kum 10 sorkar-na an chelh chhungin MNF party chuan ram an tichhe leh vek niin a sawi.
Pu Lal Thanhawla chuan, MNF-in an tihchhiat hrang hrang chu Congress Sorkar-in a siam\ha chho mek nia sawiin, tunah chuan a vaiin siam\ha hman rih lo mah se, Tuirial HEP leh Falkawna State Referral Hospital an siam\hat chu a langsar zual a ni a ti a, Referral Hospital-ah phei chuan Medical College changtlung tak din a ni tawh tih sawiin, tunah hian Bairabi a\anga Sairang thleng tur rel kawng sial mek a ni tih a sawi.
MPCC President chuan, Mizoram sorkar awm tawh zingah Congress tih loh Party dang sorkarin ram tana rotling thil \ha tih pakhat mah an la nei lo niin a sawi a, kum 10 an sorkar chhungin an hotute zingah sawisel tur an awm lo nia sawiin, party tana uihawm khawpa mi\angkai zingah Party chhuahsan an awm lo a, a chhuak awmchhunte pawh an chhuak lovang tih hluahawm khawpa Party-in a mamawh tawh loh te an ni a ti a, an party chhuahsantute chuan malsawmna an thlen zawk niin a sawi.
Pu Lal Thanhawla chuan, an party chu eng lai mahin Central lama an Party hotute kutah an la innghat ngai lo niin a sawi a. Congress Party chu National Party ni mah se, Mizoram Pradesh Congress Committee (MPCC) chu mahnia thuneihna nei an nih thu leh Central a\anga thununtu an neih ve loh thu a sawi a. Candidate siam chungchangah pawh Mizorama an Party hotute thu thu a ni a, an remtihna lak kher a ngai lovin, an hrilh hre ve \hin niin a sawi. Amah leh a unauten lal chhungkaw sorkar an din thu MNF President, Pu Zoramthanga’n a sawi chu thudik a sawi awmchhun nia a hriat thu sawiin, Pu Lal Thanhawla chuan, tunah hian amah bakah a nau Lal Thanzara chu MLA an ni a, Zarkawt leh Electric Venga an farnu pahnihte pawh Local Council-ah thlan niin, an unau zinga 4 chu mipui thlan an nih avangin Pu Zoramthanga hian thudik tak a sawi niin a sawi.
He inkhawm hi MPCC General Secretary, Pu C. Lalpianthanga’n an kaihruai a, |awi biala Congress Candidate, Pu Rosiamngheta pawhin thu a sawi a ni.
