He thu hi nimina Aizawl West I bial chhung, Sihhmuia an party inkhawm a hmanpuinaah sawiin, Pu Lal Thanhawla chuan, Aizawl khawpui chhung bikah, Aizawl West I, II leh III bialahte an Party chuan tling ngei tura ngaih Candidate tur hual a nei tawh niin a sawi a, Aizawl West I-ah pawh Block Committee in ziakin Candidate tur an mi duh Headquarters-ah an thlen tawh a, hei hi an hotute pawh a sawipui tawh nia sawiin, Nomination Committee siam a la nih loh avangin Candidate tur hi official-a la puan loh mai a ni tih a sawi. Pu Lal Thanhawla chua,n Politics hian mi tin a nghawng a, an tui emaw tui lo emaw Politics chu ngaihven a \ul tih sawiin, Politics chu rin dan sawi mai maina tur a ni lova, dikna leh takna nena buaipui a \ul tih a sawi.
He inkhawmah hi Sihhmui Congress Unit President, Pu P Lalrinthanga’n a kaihruai a, MPCC Communication Department Chairman, Pu PC Laltlansanga pawhin thu sawiin, tunhma zawnga Aizawl West I biala Congress Party-in MLA a la neih ve ngai loh chu kumin inthlanpui neih turah thaichhiat a ni dawn niin a sawi a ni.
