Chief Minister hlui Pu Lal Thanhawla hian Chief Minister Pu Zoramthanga chu vawiin khan lehkha a thawn a, Covid-19 hrileng vanga rampum huap inkharkhip vangin Mizo unaute India ram hmun hrang hranga tangkhangte, nitin ei leh in tur tlachham leh harsa te, sum leh pai, hawna tur nei tawh lo te leh Chin unau refugee Delhi-a awm, \anpui ngai em em te an awm tih Pu Lal Thanhawla hian a sawi a, heng mite hi sorkarin \anpui dan a ngaihtuah vat \ula a hriat thu te, hnam dang laka Mizoram a mualpho lohna turin sorkarin rang taka a ngaihtuah nghal \ha a tih thu a thlen a. Inkharkhip chu chhunzawm zel a nih hmel avangin a hmanhmawh thlak hle-a hriat thu Chief Minister Pu Zoramthanga hi a hrilh a ni.
Pu Lal Thanhawla lehkhathawn hi MPCC Media Dept Chairman Pu Lallianchhunga leh MPYCC President Dr. Lalmalsawma Nghaka-ten Chief Minister office ah an thehlut a ni.
